Պատուի Համար
12-րդ դասարանի աշակերտները, ծանօթանալէ ետք Շիրվանզադէի «Պատուի
Համար» թատերախաղին, կը պատասխանեն Օրդ. Լորա Գույումճեանի հետեւեալ հարցումին:
Քեզի համար ի՞նչ կը ներկայացնէ
«Պատիւ» բառը:
Քրիսչըն
Ասատուրեան - Ամէն ընտանիք տարբեր ձեւով կ'ընկալէ
«պատիւ» հասկացողութիւնը: Հօրս դաստիարակութեան համաձայն՝ պատիւը միայն դրամի հարց
չէ, այլ՝ հաւատարմութիւն եւ յարգանք է:
Շատ դժուար է «Պատիւ»ը պահպանելը.
շատ դիւրին է «Պատիւ» ը կորսնցնելը. բայց ամէնէն դժուարն է «Պատիւ» ը բարձր պահելը:
Շանթ Մինասեան - «Պատիւ»ը այն համբաւն ու բարի անունն է, որ կը հաւաքուի տարիների ընթացքին:
Պատիւը կը կազմաւորուի տարբեր միջավայրերում ինչպէս ընտանեկան, ընկերային եւ դպրոցական:
Մենք պատասխանատու ենք ամէն մի արարքի համար որ արժեւորում է «Պատիւ» հասկացողութիւնը:
Յովիկ Թապաքեան – Ամէն սկաուտ, իր առաջին բանակումի վերջաւորութեան երդում
կու տայ եւ իր «Պատւոյն վրայ» կը խոստանայ հնազանդիլ օրէնքներուն: Ես պատիւը կշիռքի
մը պատկերով կ'երեւակայեմ: Կշիռքը պարապ է ու նժարները հաւասար. մենք մեր գործունէութեամբ
կը լեցնենք այդ կշիռքի երկու նժարները: Այդ նժարները կը ցոլացնեն թէ որքանով կը յարգենք
մեր երդումը:
Հիմա արդէն գիտեմ, որ այդ երդումը
ոչ միայն խոստում է, այլ՝ գիտակցութիւն եւ պատասխանատւութիւն:
No comments:
Post a Comment